الذاكرة الحديدية, if u like it . . just give a comment

الذاكرة الحديدية

كل واحد سواء كان ولد او بنت متخيل في بالو فتي الاحلام او الشخص اللي عايز يرطبت بية . . . مش مهم بئة هايجي دلوقت هايجي بعدين المهم يجي . . . وممكن يجي ويمشي تاني عادي . . . و لو بصينا على المواصفات اللي كل واحد بيدور عليها هنلاقي كتير متشابة و هتلاقي حبة كدة ليهم افكار خاصة
يعني مثلاً لو بصينا للولاد الاول هنلاقي اللي يقولك الدنيا ربيع والجو بديع انا عايز وحدة شكل و جمال مش مهم الدماغ (تفكير رجعي) . . . وواحد تاني يقولك لأ الدماغ اولاً التفكير يعني (تفكير منطقي) . . . وواحد بقى يقلك يا سيدي انا عايز واحدة متفكرش . . متفكرش في اي حاجة غيرة يعني ممكن تكون الحاجة دي مهمة بالنسبلها بس هوا شايف ادام هوا في حياتها تسيب كل حاجة عشانة (لاسع) . . . وواحد عندة مبادئ وهوية معينة و المبادئ دى غلباة يقولك عايز واحدة معرفتش كلب ابلي (مضطر) . . . و في واحد البت من دوول تكون وخداة مصلحة استغلال يعني ادام انت بتحبني ظبتني و هاتلي لأ وتلاقية هو مبسووط بكدة (غشيم) . . . ونوع بايعها يقولك يا عم انا أمي ربنا يخليهالي هي اللي هتجوزني (مكبر دماغة) . . . لو فضلت اقوول على اللي موجوود وانواعة مش هنخلص وانا مش عايز اطول المهم النوع اللي شد انتباهي و شللني ان واحد يحب واحدة وهية مفيش اي إستجابة ويحاول يقنع نفسة انها بتحبة والبت تفضل تصدة و تحسسة ان مفيش اي اهمية وهو لسة مصّر ودايس معاها (أبلة) . . مش عايزيين فهم طفولي في الكلمة دي

نسيب الولاد الغلابة دول شوية ونيجي بقة للبنات . . . طبعاً اللي هيشوفني بقول على الولاد غلابة ألك بس دة هيدوس على البنات . . . هو مش بالظبت بس هيحصل عنف . . .
البنات مشيين بطريقة نفضيلو يجري وراكي مع انها هتموت علية وممكن تظبط بطريقة احسن بس تقولك لأ علشان اتحكم انا في الموضوع كلة وعلشان لو منفعش معايا ادور على غيرو . . .
البنات بيغيرو من بعض مش عايز اقول معظمهم عشان محدش يزعل . . . البت تقول اشمعنا صحبتي مصحبة وانا لأ . . . ومبررها تقولك عايزة اعيش التجربة وممكن تتنيل وتتصدم مع واحد نسيت اقول علية فوق بتاع بنات اللي مقضيها تغيير مع كل بنت شوية طبعاً دة ملوش اي مبادىء في الحب (تجربة مش حلوة) . . .


بس في نوع كدة من البنات تحبة الشخصية لذيذة وتتحب وممكن تتجاهل شكلها من كتر اعجابك بالشخصية نفسها ومش معنا كدة ان كل اللي شخصيتهم حلوة ملهمش شكل لأ في كتير شخصية وجمال
في شوية بنات كدة من كتر حلوتهم الغرور ملاهم مش هنذكرهم دوول عشان مش محتاجين والعكس صحيح . . . المهم في الموضوع دة كلة المواصفات اللي بيدورو عليها البنات . . . معظمهم معظمهم بيدور على شخصية ومال . . . ممكن الشخصية متكونش مهمة اد المال . . . وفي حبة قنوعيين كدة تقولك لو شاريني مش مهم اي حاجة ومعظمهم بينجح في حياتة سواء كانت مبسوطة بقيت حياتها او مكانتش عشان القنوعيين دوول دايمن بيتحملو نتيجة اختيارهم

طبعاً في ناس مبسوطة من الكلام دة وعايزة تقولك اديني اكتر و في مش عايزين يكملو للآخر . . لأ كملو الحقيقة مبتجرحش و لو جرحت حد يبقي طريقة غلط . . و يا ريت يشوف اي مخرج جانبي يسلكة . . حلوة يسلكة دي . . و دة مش اجبار لو اي حد مقتنع تمام الاقتناع ان طريقة صح . . يكمل

نصيحة >> محدش يحبط يا جماعة لما يلاقي صعوبة في اول الحب ـ مفيش حاجة بتيجي بسهولة ـ و لو اي حاجة جت بسهولة مش هتحس بحلوتها و هتزهق منها بسرعة

اية بقة علاقة الكلام دة بالذاكرة الحديدية
الكل نسي اية هو الموضوع
من الآخر كل انسان تفكيرة بيتغير مع مرور الزمن و المبادئ بتزيد مش بتتغير . . . ولو حصل تغيير بيبقا بسيط . . . و الكل حاطط في بالو المواصفات بتاعت الشخص اللي عايزة او اللي هيرطبت بيية بناءً على مبادئة . . . يجي بقة دور الذاكرة الحديدية في حفظ هذة المبادئ . . . ساعت المواجهة ساعت ما تقوول انا عايز ارطبت . . يا تري ساعتها هتفتكر مبادئك ولا هتبص علي الحلو اللي باين في اللي قدامك . . . لو مبادئك سبقتك يبقى انتَ او انتِ مش محتاجين نصيحة من حد