الحب الاولانى....الحب الاول

تاريخ التسجيل : 01/01/1970

حبيبي الأولاني"

.. الحب الأول ..

** مش كل الناس بتفتكر أيام الحب الأول بنفس الطريقة,في ناس لما تفتكره تفتكر المراهقة, و ناس تفتكره على إنه كان لعب عيال و هبل, و ناس مش عايزين يفتكروه أساساً لإنه ممكن يكون مرتبط بذكريات مؤلمة مش بيحبوا يفتكروها..
و في ناس بيعتزوا بحبهم الأول جداً حتى لو كان في نظرهم حب مراهقين و لعب عيال أو حتى مرتبط بذكريات مؤلمة, لإنه أول حب في حياتهم, يعني أول مرة تحب يا قلبي, يعني أول مرة قلبهم يدق.. و عينيهم تسهر.. و عقلهم يفكر.. و مشاعرهم تتحرك.. و حبيبك الأولاني ده بياخد لقب " number one " في كل حاجة ..
فهو أول واحد قولتله بحبك.. أول واحد قولتله وحشتني.. أول واحد يلمس إيديك.. أول واحد علمك يعني تحب.. أول واحد طلّع من جواك حاجات ما كنتش تعرف إن هي كانت فيك أساسا..... و أول واحد.. .. و أول واحد.. .... و أول واحد... ....
أول واحد في حاجت كتيرة أوي أوي أوي ......
قبليه كانت كل علاقتك بالحب شوية أفلام و أغاني و قصص أو حتى حكايات بتسمعها من ناس حواليك..
لما عرفته عيشك الحياة اللي انت كنت دايماً بتبص عليها من بعيد أو بتحلم بيها و انت نايم على سريرك أحلام يقظه بتنتهي أول ما عينيك بتتقفل و تنااااااااام..
قبليه في كلام كتير أوي بتستغرب لما تسمعه و تقول دي مبالغات مالهاش لازمة
و كلام في الهبل.. و من باب الضحك ع الدقون ...
لما عرفته لقيت ان الكلام ده مش هبل و لا حاجة و ان في فعلا حاجة اسمها" انت واحشني و انت معايا" و ان في حاجة اسمها "لغة العيون" و ان ممكن فعلا انك "تحس بيه من غير ما يتكلم" و ان في حاجة اسمها "هو روحي اللي عايش بيها" كل ده موجود بجد مش كلام و بس كل ده حسيته لأول مرة في حياتك مع حبك الأول..
عمرك ما هتنسي أول مرة نطقت فيها كلمة "بحبك" و اللا أول مرة تسمعها منه..
بطنك كركبت, قلبك فضل يدق جااااامد لدرجة انك كنت حاسس ان هو حاينط من مكانه, و صدعت, و ايديك كانت بتترعش و التوتر مسكك و كانت حالتك ميؤوس منها, و وشك اتقلب ميت لون.. ..... قد ايه كانت لحظة صعبة بس حلوة أوي....
عارف لو قولت بعد كدة بحبك لحد تاني صدقني عمرها ما هتبقى في حلاوة أول مرة قولت فيها الكلمة دي..
ذكريااااااااات جميلة أوي عمرك ما هتنساها ..
حتى لو حبيت حد تاني فلا يمكن برده تنسى الذكريات دي,, مع إن في ناس ممكن تكون نسيت حبها للشخص نفسه و المشاعر اللي جواها بقت ملك حد تاني..
بس في ناس مهما عاشت مع حد تاني بعد حبها الأول فبيفضل حبها الأول جوا قلبها مقفول عليه محدش يقدر يقربله أبداً... ممكن ييجي عليه غبار الدنيا بعدد الأيام والسنين اللي بتعدي و هو بعيد عنك بس هو جواك ما طلعش لسه مقفول عليه ما خرجش و عمره ما هيعرف يخرج أبداً و ممكن حاجة بسيطه جداً تشيل كل التراب والغبار اللي عليه بكل سهوله.. زي مثلاً: أغنيه كان بيسمعهالك دايماً.. مكان دايماً كنت بتروحه معاه.. فيلم شفتوه سوا.. كلمة كان دايما بيقولهالك و حد قالهالك .. ... ..
** قد إيه مشاعر الحب الأول دي أجمل مشاعر ممكن تمر بيها في حياتك وذكريات صعب انها تتنسي.. ..
أنا كتبت الموضوع ده لكل من مر و بيمر بالمشاعر دي ..

**مع تحياتي:
يارب الموضوع يعجبكم اوى واتمنى اشوف مناقشات جامده

تحياتى زووووم امير الحب

التوقيع

حبك اجمل شىء فى حياتى حبك اجمل من كل حياتى

الحب الاولانى....الحب الاول Get-4-2007-yx5zm71u